АММА КЫРАЧААН АСЧЫТТАРА КҮРЭХТЭСТИЛЭР

Амматааҕы лицейгэ «Мастер шеф» диэн алын кылаас оҕолоругар күрэх ыытыллар буолбута хаһыс да сыла. Быйыл кырачааннар ким саамай минньигэс салаат оҥороругар күрэхтэстилэр.

Аммаҕа сыл ахсын ыытыллар кырачаан асчыттар күрэхтэрэ быйыл даҕаны сэргэхтик ааста. Куонкурус таһыма үрдээн иһэр: оҕолор анаан таҥас тиктибиттэрин, сонун визитка толкуйдаабыттарын көрөөччүлэр сэҥээрдилэр.

 

Төһө да кыра буоллаллар, оҕолор тэриллэри бэрт үөрүйэхтик туттан чаас аҥарын иһигэр минньигэс уонна кыраһыабай бүлүүдэлэринэн дьүүллүүр сүбэни сөхтөрдүлэр.

Ааптар: «Амма олоҕо» хаһыат

Источник: Районные газеты Якутии

Добавить комментарий

Ваш e-mail не будет опубликован. Обязательные поля помечены *