АММАҔА УЧУУТАЛЛАР БУРДУККА КӨМӨҔӨ ТАҔЫСТЫЛАР

Быйыл күн-дьыл аммалары тургутара тохтообот. Ол курдук сааскы халаан кэнниттэн арыый өрүһүнэн, саас бурдугу хойутаан да ыспыттарын иһин, быйыл үүнүү үчүгэй этэ. Ити эрээри тохтообокко түспүт ардах, онтон букатын да икки күннээх хаар хаарыан үүнэн силигилээбит бурдугу сытыаран кэбистэ.


Саамай элбэх ыһыылаах «Амма» ААУо хомуур үлэтин атырдьах ыйын 30 күнүгэр саҕалаан уопсайа 400 туоннаны хомуйбута. Ылбыт үүнүүнү тааралааһыҥҥа хаһан да буоларын курдук тэрилтэлэр кэлэктииптэрэ көмө буолаллар. Бу күннэргэ Аалаах учаастагар Амматааҕы академик Леонид Киренскэй аатынан лиссиэй 18 учуутала тахсан көхтөөхтүк үлэлээн, 1001 куул эбиэһи тааралаатылар.

Ааптар: «Амма олоҕо» хаһыат редакцията.

Источник: Районные газеты Якутии

Добавить комментарий

Ваш e-mail не будет опубликован. Обязательные поля помечены *